..á þessi maður svona marga gemsa??

Ég er að hugsa um að hringja í hann og spyrja.. get bara ekki gert upp við mig í hvað af þessum númerum ég vil hringja. Kannski að maður hringi í galdrakarlinn og spyrji hann ráða. -Nei annars, hann er örugglega bara plat þar sem hann er skráður sem “galdrakall“.

..er að verða að smjöri. Ekki nema 30 stiga hiti hérna. Það hlýtur bara að vera refsivert samkvæmt lögum að vera innandyra í svona góðu veðri. Ef Vinnueftirlitið kæmi hingað inn mundu þeir loka búllunni vegna veðurs og hita sem starfsfólkið mitt þarf að þola.

Þá er ekkert annað eftir en að bretta upp ermarnar og snara sér í netabolinn og Borat-skýluna

..fer senn að líða að brúðkaupinu okkar. Var að enda við að taka saman hversu miklu af peningum ég hef verið að ausa í snyrtingu ýmiss konar sl. mánuð fyrir daginn stóra og komst að því að útgjöld vegna þess hafa aukist um 380% á milli mánuða. Þá var ég að panta í dag eitt og annað til að lappa upp á mig með aðstoð snyrtifræðinga, förðunarfólks og hárgreiðslumeistara og sé að ég á eftir að punga út kr. 45.900,- á næstu tveimur vikum.

Úfff.. man! Þessi upphæð er algjörlega fyrir utan allar snyrtivörurnar sem ég á vafalaust eftir að láta hlutaðeigandi pranga upp á mig.

Við skulum ekkert vera að hrella Snæþór neitt með því að deila með honum þessum upplýsingum… Hann gæti bara hætt við! 

Ástæðan fyrir bloggleysinu sl. sólarhring er sú að ég var numin á brott af miðri vakt í gærdag af honum Snæþóri mínum og færð hingað þar sem dekrað var við mig allan daginn og fram eftir degi í dag. Fyrsti frídagurinn okkar í tæplega mánuð og þetta var bara akkúrat staðurinn til að eyða honum á.

Þjónustan, maturinn og stórglæsileg herbergin á Hótel Rangá fær vafalaust mín meðmæli. Takk fyrir mig!

..þá er nú barasta allt útlit fyrir að við getum farið að sofa á skikkanlegum tíma í kvöld. Ætlunin er að reyna að sofna á undan Vopna-rassgatinu þar sem hann hrýtur eins og gamalmenni með köfnunarsvefn og var svo indæll að éta eyrnatappana mína í morgun. Þegar hvolpurinn minn kemst í eyrnatappa þá er hann eins og ég í jólakonfektinu. 

Þetta verður frábær nótt.

Fékk Hútsí Mama af sexunni á Eggertsgötunni í heimsókn í kaffi í dag. Engum hurðum var skellt framan í neinn í þetta skiptið, merkilegt nokk. Ég var jafn langan tíma að þrífa heimilið mitt eftir að hún var farin og heimsóknin hafði staðið yfir þar sem kaffið virtist einhvern veginn rata allt annað en ofan í bollann hjá henni blessaðri og hvað þá ofan í hana Takk fyrir spjallið esskan!

Svo datt mér í hug að þið vilduð sjá mynd af bifukollunni úr færslunni hér að neðan, sköllóttri. Enjoy!

…allt of líkleg til að skrifa eitthvað gáfulegt handa ykkur í dag. Ætla því að láta tvær glóðvolgar ljósmyndir frá betri helmingnum úr veðurblíðunni héðan fyrir austan fjall nægja þangað til á morgun. Þið kunnið þetta, smella á myndina fyrir stærra eintak.

Þessi mynd ber nafn með réttu, “Blow me away”.

Ótrúleg sjón. Það birtist brot af regnboga í miðri nóttinni án þess að deigur dropi drypi úr himninum beint fyrir neðan þetta glóandi ský þarna. Takið eftir spegluninni í vatninu. Magnað alveg hreint. Myndin heitir “Beam me up Scotty”.

Cheers!

..einhverjir fleiri en ég úr hlátri þegar þeir sáu meðfylgjandi mynd við þessa frétt? Ég bara VERÐ að fá mér svona spandex-outfit til að klæðast hérna í lobbýinu!

Þegar ég er búin að sofa lítið um langan tíma dreymir mig aaalltaf sama drauminn um það leyti sem verið er að vekja mig, þ.e. að einhver sé að syngja fyrir mig. Viðkomandi er alltaf með ákaflega seyðandi rödd sem lokkar mig aftur inn í svefninn sem gerir mér ákaflega erfitt fyrir að vakna og druslast á fætur. Ég heyrði þessa rödd síðast í morgun þegar ég var að snútsa á vekjaraklukkunni og þar síðast þegar ég steinrotaðist í ljósabekknum í gærdag.

-Já ég veit, ljósabekkir eru ekki málið en þar sem ég kæri mig hvorki um að vera samlit brúðarkjólnum mínum í næsta mánuði eða vera með brúnkukremsslettur í honum á ég ekki annarra kosta völ.

Og fyrst ég er byrjuð þá er umræddur aðili í heilabúinu mínu vinsamlegast beðinn um að steinhætta öllu söngli í hausnum á mér og snúa sér frekar að útgáfu geisladisks með tónlist sinni.

..að skulda hljómborð.

Oj.. hvað ég er sorgleg! Á nærbuxunum að blogga hérna eins og einhver pervert. Þetta veðmál er gengið of langt.

Góða nótt!